Sözün düzünü hansı dildə yazmaq lazımdır deyə düşünməyə başladığım zaman bu məqaləni yazmağa qərar verdim. Bizim millətin öz dilinə bu qədər zülm etməsi məni düşündürdü, düşündüklərimi Məzahir bəyin ən son yazdığından sonra xeyli tərəddüd etdikdən sonra yazmaq qərarına gəldim. Görürəm ki, dilin dili olsaydı qışqırardı ki, "bəsdi ay millət! Niyə mənə bu qədər zülm edirsiniz?" Amma dilin dili olmadığı üçün onun yerinə mən danışmaq qərarına gəldim. Barmaqları işə saldım...
Sözün düzü, bu dil probleminin harasından başlayım bilmirəm. Öz dilini bilməyənlərdənmi, öz dilini bilim öz dilində danışmaqdan utananlardanmı, öz dilindən başqa bütün dillərdə danışmağı özünə şərəf bilən "millətçilər"dənmi, yoxsa lallardanmı? Niyə lallardan? Düşünürəm ki, bəzən lal olmaq daha yaxşıdır, nəinki bu hansı dildə danışdığını heç özü də bilməyənlər kimi olmaq... Konkret bilirsən ki, Allah imtahan olaraq dil qabiliyyətini alıb əlindən və Axirət aləmində inşallah ən gözəl sözləri söyləməyo sənə nəsib edəcək, ömrünün axırına kimi susursan, sadəcə dinləyirsən...
Başqa ölkədən istəyir rus gəlsin, istəyir ingilis, istəyir lap elə türkün özü gəlsin içi mən qarışıq başlayırıq onların dilində danışmağa. Dil bilmək yaxşıdır. Nə qədər çox dil bilsən o qədər xalqına və cibinə fayda verə bilərsən. Amma di gəl ki, əgər öz dilindən utanırsan və başqa dillərdə danışmağı özünə fəxarət hesab edirsən o zaman problemlər başlayır dilə gəlməyə. Problemlər çox maraqlıdı... Başqa dildə danışmır, elə öz dilimizdə danışırlar... Amma başa düşən yoxdu...
Sözün düzü, dünyada ikinci bir ölkə sanmıram ki var, orda iki vətəndaş başqa dildə danışsın. Bizim küçələrimizdə, şirkətlərimizdə, məktəblərimizdə və digər ictimai yerlərdə bir-birilə başqa dildə danışan iki azərbaycanlını görmək heç də çətin deyil. Nə qədər istəsən tapmaq olar... Görəsən nədir bunun səbəbi? Bizim dilimizin kasıblığı, yoxsa xalqımızın öz dəyərlərinə biganəliyi? Sanmıram ki, bu qədər yazar, bu qədər şair, bu qədər şeir sahibi olan dil kasıb olsun. Kasıb olan bizim millətimiz, xalqımızdır... Gərək özümüzə gələk... Öz dilimizə, öz dəyərlərimizə, özümüzə sahib çıxaq... Hardan gəldiyimizə bir nəzər salaq. Əslimizi bilək, adətlərimizi, mədəniyyətimizi danmayaq. Böyük bir alimin də dediyi kimi: "sən nə avropalı kimi avropalısan, nə də müsəlman kimi müsəlman". Heç bir işə yaramayan insan olmaqdansa, bir yolu tutub ordan getmək daha yaxşı olar. İndi analar, atalar öz uşaqlarını rusca tərbiyə etməyə çalışır, rus məktəbinə göndərir, rusca başqa şeylər edir... Görəsən bu işlərin axırı necə olacaq ay Rüstəm müəllim?
diline quzu keserem.... Fatih istanbul fethinde sehid olan Ulubatli Hasana demis... Bu sehir sana deyermiydi Hasan.... Zamanin Bediisi de onemli bir telebesi ucun demis: Zubrumu Kainata deyismem.
Men de seni kainata deyismerem.... Yaz.... Sen herseye bedelsen....
:) Deyezen shehid olacam. ne mutlu mene. :) teveccuhunuz ucun tesekkurler abi, ama biz buna lyiq deyilik... yaziriq, qusurlu, yanlis bir seyler... oxumaga sebr eden sizler sagolun. esl sizler herseye bedelsiniz...